Biseda me studiuesin Igor Stardelov hodhi dritë mbi jetën dhe veprën e vëllezërve Janaki e Milton Manaki që prej vendlindjes së tyre në fshatin Avdela të Epirit, vendosjen e tyre në Janinë e më pas në Manastir; ekspozitën e Bukureshtit (1906) ku u nderuan me medalje të artë e deri tek udhëtimet në Vjenë, Paris dhe Londër për të blerë kamerën e parë, Bioscope 300.
Stardelov trajtoi edhe restaurimin digjital e analog të filmave të Manakëve pranë Kinotekës së Maqedonisë së Veriut, ku ai mban pozicionin e përgjegjësit të departamentit për ruajtjen e materialeve audiovizuale.Sot vepra e tyre fotografike e kinematografike i përket trashëgimisë kulturore ballkanike, evropiane e mbarë botërore.

*Biseda ishte pjesë e programit të Ditëve të Trashëgimisë Kulturore Evropiane kushtuar ekspozitës dhe krijimtarisë së Vëllezërve Manaki. *