Kolë Idromeno

Ekspozita shfaq disa imazhe të zbuluara së fundmi në arkivin e Muzeut “Marubi”. Periudha kur janë shkrepur është ende e paqartë, por me shumë gjasa duhet të jetë mes viteve 1892-1894 kur Kolë Idromeno (1860-1939), një ndër figurat më përfaqësuese të Rilindjes Shqiptare, po punonte për projektet e tij artistike. Fotografitë e realizuara nga ky artist i talentuar dhe i çuditshëm, mund të kenë qenë një fazë përgatitore për pikturat e tij, por ndërkohë fakti që këta imazhe janë të çliruara nga tematikat dhe nga harmonia e rafinuar e pikturave, na shfaq disa kontraste, pak ironi dhe një dëshirë për të shijuar kënaqësitë e jetës tokësore.