Muzeu Ateist

Ekspozita rimerr disa imazhe të Muzeut Ateist që janë pjesë e arkivit të Muzeut “Marubi” dhe është e organizuar në dy pjesë: nga njëra anë kulti dhe arkitektura kishtare që i përshtatet nevojave të reja kulturore të regjimit komunist dhe nga ana tjetër objektet e sekuestruara e të ekspozuara me interpretim ideologjik.
Muzeu është mbyllur në vitin 1990 dhe disa nga objektet e tij ndodhen të ekspozuara në Muzeun Dioçezan të Shkodrës. Akoma sot, ata mbeten shembulli i utopisë së regjimit, i nevojës për të krijuar një botë të re e bashkë me këtë, edhe një besim të ri.