Venus!

Kjo ekspozitë vjen si rezultat i një kërkimi të gjatë në fondin arkivor të Dedë Jakovës, Gegë Marubit dhe Pjetër Rraboshtës. Përzgjedhja dhe ndërtimi i saj konceptual, ndjek gjurmët e një skulpture që e përshkon repertorin e të tre autorëve në fjalë, duke u ba fill narrativ i historisë së një shtëpie dhe i historisë së një oborri, ku u zhvilluen ngjarje të posaçme e, ma tej, edhe shndërrime të pakthyeshme.

Përgjatë rrugëtimit në hapësinën vijuese të ekspozitës, shfaqet metafizika e “heshtun” e oborrit: gjeomeria dhe perspektiva, dialogu mes një trupi dhe një statuje, mbi të cilat drita i lëshon hijet njësoj.

Aty asht Venus-i – hyjnia e dashunisë dhe e një bukurie të përsosun e ideale, që mes gjithë këtyne ngjarje, duket sikur kundron gjithmonë diçka tjetër.