Olbania

Një ekspozitë nga 𝐀𝐥𝐭𝐞𝐫𝐚𝐳𝐢𝐨𝐧𝐢 𝐕𝐢𝐝𝐞𝐨, një kolektiv artistësh italianë të themeluar në vitin 2004, të cilët eksplorojnë territoret hibride dhe të turbullta të pas së vërtetës, neorealizmit të YouTube-it dhe teknologjive të deepfake-it. Ata e konceptuan projektin 𝗢𝗹𝗯𝗮𝗻𝗶𝗮 në vitin 2009, kur u ftuan të merrnin pjesë në Bienalen e 3-të të Tiranës. Titulli vjen nga një gabim i famshëm i lindur në forumet dhe chatroom-et e fillim viteve 2000—një keqshkrim i dukshëm i fjalës 𝘈𝘭𝘣𝘢𝘯𝘪𝘢, i cili më vonë qarkulloi gjerësisht në rrjetet sociale. Ai u bë etiketa e një territori fiktiv online, që i referohej lirshëm simboleve dhe stereotipeve të mitologjive ballkanike.

Gjatë një muaji të kaluar në “safari të internetit,” në një kohë kur Shqipëria po përjetonte një kalim dramatik nga mediat e vjetra te ato të reja—nga televizioni “italian” te interneti global—𝐀𝐥𝐭𝐞𝐫𝐚𝐳𝐢𝐨𝐧𝐢 𝐕𝐢𝐝𝐞𝐨 krijuan një arkiv shpërthyes vizual prej më shumë se gjashtëqind polaroidesh. 𝗢𝗹𝗯𝗮𝗻𝗶𝗮 është një bashkëpunim artistik aksidental mes shqiptarëve, fansave apo kritikëve të rastësishëm dhe vetë artistëve, si dhe një kapsulë kohore e një momenti kur teknologjia bëri të mundur qarkullimin online të një versioni alternativ të Shqipërisë dhe, pa dashje, rishpikjen e vendit.