Dinastia Marubi

FOAM prezanton një përzgjedhje imazhesh nga arkivi i studios fotografike shqiptare “Marubi” (1856–1959). Tre brezat e fotografëve realizonin fotografi në studio të shtresave të ndryshme shoqërore, nga borgjezia urbane dhe barinjtë tek Perandori Osman dhe Mbreti Zog.

Koleksion i pasur prej 150.000 xham negativësh paraqet interes nga një pikëpamje historike, shoqërore, kulturore, antropologjike, po ashtu edhe artistike. Në këtë koleksion ruhen ngjarjet më të bujshme të historisë së Shqipërisë që nga periudha osmane tek ajo komuniste, ritualet sociale, kostumet folklorike si dhe grupet e ndryshme shoqërore. Ekspozita është një hyrje në historinë e pasur fotografike të një shteti të izoluar europian.